قال وزير الشعراء و شاعر الوزراء ،الشاعر القدوة ، عبد الله السالم ولد المعلى معزيا في الزعيم المرحوم سيد احمد ولد أج طيب الله ثراه :
سِدَاحْمَلَ اچّ وَلْ مُ — حمد محمودْ ُاتْأَلْمُ
لگْلوُبْ اعْليِهُ اُسَلْمُ — فيهْ، اُلاَ راوْ انْحِيرَ
فَوْگْ إعَزُّو وِ سَلْمُ — ما عنْ ذيكْ اسْتاخِيرَ
ما يحْتَاجُ يتْكلْمُ — سِدَاحْمَدْ شِيخْ انْگِيرَ
ؤُقدْوَ للجيلْ، ؤُعلْمُ — بالْمَشِ اعْلَ لمْريرَ
إليْنْ الْوَلُّو سلْمُو — لاَ خابَتْ فِيهْ اسْريرَ
أَمّالُو كونْ إسَلْمُو — ولْ الْخيْمَ لكْبيرَ
فِيهْ أَلِّ فيِهْ
سِدَاحْمَدْ باسْمُ گَالْ سِيدْ — ياحْمَدْ عنّكْ فاوْلادْ سيدْ
الوافِ وارْعَ لا تْحيدْ — فيدْ الْبُ عادْ احْريرَ
منْهلْ مورودْ ابْلآمْشيدْ — حافظ مجدْ العشيرَ
وَامّيْرَرْ فاثْرُو ميدْ ميدْ — گامْ ابْذيكْ اتْميْريرَ
اعْلَ سيرَه منْ شي اوكيدْ — ؤُتمْ اعْلَ ذيك السير َ
فيهْ أَلِّ فيهْ ؤُلاَ احْصَرْ — گامْ امْنَ أخلاقْ اذْخيرَ
ؤُ فيهْ أَلِّ فيهْ امْنَ اصْبرْ — واتْمعْليمْ السّريرَ